پيرزادو شاهنواز مولائي

پيرزادو، شاهنواز ’مولائي ‘:ليکڪ ۽ تعليمي ماهر حاجي شاهنواز ولد جمال الدين پيرزادو 14 ڊسمبر 1889ع تي ڪنڊياري ۾ ڄائو. سندس تعليم ايم. اي (انگريزي ادب) هئي. هن لکڻ جي ابتدا 1935ع ۾ حيدرآباد مان ’سياست‘ نالي اخبار ڪڍي ڪئي. سندس پيشو وڪالت هو. سندس ڇپيل ڪتابن ۾: (1) سورهيه صوبيدار، (2) سڳوري سعديءَ جا سخن، (3) لنڊن کان ڪراچي، (4) ميان سومري جي صاحبي، (5) يادگيريون، (6) مصر جي راڻي، (7) ديوانو ديو، (8) عربستان جو پيغمبر، (9) ادي ايوب جي آزمائش، (10) انصاف، (11) اتحاد، (12) عربن جو عروج، (13) الاهي آواز جو آلاپِ: ٻه ڀاڱا، (14) آزادي جو ابو، (15) انگلينڊ جي تاريخ: ٻه ڀاڱا، (16) مجاهدات، (17) لڙائيءَ جي لڙاٽ، (18) سچ جو صدقو، (19) سکياڻي سنڌ، (20)اسان جو اٻوجهه اقبال، (21) ڪيڏاري جا ڪامل، (22) روح سدا حيات، (23) واندڪائيءَ جي وندر، (24) مصر جي تاريخ، (25) انصاف لاءِ عرض، (26) چينائي سالڪن جا سخن، (27) فاروقي فرياد، (28) ڪورٽ فتويٰ، (29) پنجهتر ورهين جو پوڙهو وغيره شامل آهن. هن 28 فيبروري 1974ع تي نوابشاهه ۾ وفات ڪئي.


هن صفحي کي شيئر ڪريو

داخلا ۾ استعمال ٿيل تاريخون

1889.12.14  عيسوي

حاجي شاهنواز پيرزادو 14 ڊسمبر 1889ع تي ڪنڊياري ۾ ڄائو


1974.02.28  عيسوي

حاجي شاهنواز پيرزادو 28 فيبروري 1974ع تي نوابشاهه ۾ وفات ڪئي



شخصيتون - ڀاڱي جون ٻِيون داخلائون

بولچند تيرٿداس نارواڻي
التتمش
آغا بدر الدين گهنيو
گوتم ڇاٻڙيا شڪارپوري
فائزه ايوب
ابن حيات پنهور
شاهه حسن مرزا ارغون
عبدالقادر بلو
حاجي علي محمد کوسو
قاضي انور احمد
شخصيتون ڀاڱي جا وڌيڪ مضمون